سەرۆكی هەرێمی كوردستان رایدەگەیەنێت، “حكومەتی هەرێم بەبێ یەكێتی و پارتی پێكنایەت و هیچ هێزێك ئەوەندە كورسی نییە حكومەت پێكبهێنێت”.
نێچیرڤان بارزانی، سەرۆكی هەرێمی كوردستان لە دیداری مێری لە هەولێر رایگەیاند، هەڵبژاردن تەواوبوو گۆڕانكاریی گەورە لە ناوچەكە هەیە و پێویستدەكات بە زووترین كات هەوڵبدەین و حكومەتێك دروستبكەین و خزمەتی هاوڵاتییان بكات و لایەنەكانی هەرێمی كوردستان لەبەردەم تاقیكردنەوەی گەورەدان و جارێكی دیكە ئێمە نابینە دوو ئیدارە و ئەو قۆناغەمان تێپەڕاندووە.
وتیشی، ” پێویستە حكومەت پێكبهێندرێت و هەوڵبدرێت كێشەكان لەگەڵ بەغداد چارەسەربكرێن و محەمەد شیاع سودانی سەرۆك وەزیرانی عێراق هەوڵیداوە كێشەی مووچەی فەرمانبەران چارەسەربكات.
