وەزارەتی دارایی هەرێم رایدەگەیەنێت، لەگەڵ وەزارەتی دارایی عێراق رێككەوتوون تاوەكو كۆتایی ئەمساڵ سەرجەم كێشە تەكنیكییەكانی لیستی مووچەی فەرمانبەرانی هەرێمی كوردستان چارەسەربكەن.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، وەزارەتی دارایی و ئابوریی هەرێمی كوردستان تەنها لایەنی بەرپرس و تایبەتمەندە بۆ بەڕێوەبردنی هەموو مامەڵەیەكی دارایی و ژمێریاری لەگەڵ حكومەتی عێراق و وەزارەتی دارایی عێراق.
هەر لە راگەیەندراوەكەدا هاتووە، بۆ ئاگاداری هەموو لایەك وەزارەتی دارایی و ئابوریی هەرێمی كوردستان لەگەڵ وەزارەتی دارایی عێراق رێككەوتوون تاوەكو كۆتایی ئەمساڵ سەرجەم كێشە تەكنیكییەكانی لیستی مووچەی فەرمانبەرانی هەرێمی كوردستان چارەسەربكەن، هەموو هەوڵێكی وەزارەتیشمان بە ئاڕاستەی دوورخستنەوەی بابەتی مووچەیە لە هەموو كێشە و ململانێیەكی سیاسی.
