عێراق لەسەر بەزاندنی ئاسمان و سەروەریی خاکی عێراق لەلایەن ئیسرائیلەوە، یاداشتنامەیەکی ناڕەزایی پێشکەش بە نەتەوە یەکگرتووەکان و ئەنجومەنی ئاسایش کرد.
باسم عەوادی، وتەبێژی حکومەتی عێراق رایگەیاند، لە یاداشتەکەدا ئیدانەی ئەو پێشێلکارییە زەق و ئاشکرایەمان کردووە کە ئەنجام دەدرێت لە بەزاندنی سنووری ئاسمانی و سەروەرییمان.
ئاماژەی بەوەشکردووە، سەرۆک وەزیرانی و وەزارەتی دەرەوەی عێراق لەسەر هێڵن لەگەڵ لایەنی ئەمریکی لەسەر بابەتی ئەم پێشێلکارییە بەپێی مەرجەکانی رێککەوتنی چواچێوەی سترارتیژیی دووقۆڵی نێوان عێراق و ئەمریکا.
ئەوەشی خستەڕووو، حکومەتی عێراق پابەندبوونی پتەوی خۆی بە سەروەری عێراق و سەربەخۆیی و پیرۆزی خاکەکەی دووپاتدەکاتەوە، حکومەتی عێراق جەخت لەوە دەکاتەوە کە رێگە نادات ئاسمانی عێراق یان خاکی عێراق بۆ هێرشکردنە سەر وڵاتانی دیکە بەکاربهێنرێت.
