ئۆفیسی سەرەكی و دوو بنكەی پرۆژەی “هەژماری من” لە سلێمانی داخران و كارەكانی پرۆژەكە راگیراون.
بەپێی زانیارییەكانی تۆڕی میدیایی ئێستا، ئۆفیسی سەرەكیی پرۆژەی “هەژماری من” كە دەكەوێتە بانكی مەڵكەندی لە سلێمانی، داخراوە و كاری تیادا ناكرێت.
هاوكات بنكەكانی پرۆژەكە كە دەكەونە هەریەك لە بانكی تانجەرۆ و بانكی توی مەلیك بەهەمان شێوە داخراون و هیچ كاروبارێكی تیادا ئەنجامنادرێت.
داخستنی ئۆفیس و بنكەكانی “هەژماری من” دوای ئەوە دێت، زۆرینەی مووچەخۆران ترسیان لەو پرۆژەیە هەیە و دەیانەوێت لەڕێی بانكە فیدراڵییەكانی عێراقەوە بە بانكیكردنی مووچەیان بۆ بكرێت، وەك ئەوەی لە بڕیاری دادگای باڵای فیدراڵیی عێراقدا هاتووە.
