لە قەزای کەلار، ئۆتۆمبێلێکی جۆری پیکاب دەبڵ سووتا و شۆفێرەکەی برینداربوو.
بنکەی بەرگریی شارستانیی کەلار، لە راگەیەندراوێکدا بڵاویکردەوە، ئەمڕۆ لە کاتژمێر(3:20)خولەکی عەسر ئاگادارکراینەوە کە ئۆتۆمبێلێکی پیکاب دەبڵ لە سەر رێگای کەلار رزگاری ئاگریگرتووە.
دەشڵێت، دەستبەجێ تیمەکانمان گەیشتنە شوێنی رووداوەکە و بەهاوکاریی بنکەی رزگاری توانرا لەماوەیەکی کەمدا ئاگرەکە کۆنترۆڵبکرێت.
باس لەوەشدەکات، لە ئەنجامی رووداوەکە شۆفێری ئۆتۆمبێلەکە برینداربوو، رەوانەی نەخۆشخانەی شەهید هەژار کرا.
