سەرۆکایەتیی داواکاری گشتیی هەرێم رایدەگەیەنێت، لێپرسینەوە لە هەر كۆگا و پاڵاوتگە و بەنزینخانەیەك دەکرێت دەستکاریی کوالێتیی بەنزین بکات”.
سەرۆکایەتیی داواکاری گشتی لە راگەیەندراوێکدا بڵاویکردەوە، لێپرسینەوە لە هەر كۆگا و پاڵاوتگە و بەنزینخانەیەك دەکرێت كە كاری نایاسایی بكات و دەستكاری كوالێتیی بەنزین بكات .
ئەو راگەیەندراوەی سەرۆکایەتیی داواکاری گشتی دوای کۆبوونەوەیەک بڵاوکرایەوە کە تیایدا هاتووە، کۆبوونەوەکە لەنێوان دادوەر کاوە فەتحی، سەرۆکی داواکاری گشتیی هەرێمی کوردستان و كەمال محەمەد، وەزیری كارەبا و وەزیری سامانە سروشتییەکان بە وەکالەت ئەنجامدرا.
بەپێی راگەیەندراوەکە، لەو دیدارەدا گفتوگۆ لەسەر چەند تەوەرێكی پەیوەندیدار بە هەردوو وەزارەتی كارەبا و وەزارەتی سامانە سروشتییەكان كرا.
هەر بەپێی راگەیەندراوەکەی سەرۆکایەتیی داواکاری گشتی، “لە دیدارەکەدا هەنگاوەكانی پێشخستنی پرۆژەی پێوەری زیرەك و سیستمی پریپەید و پرۆژەی ئەزموونیی كارەبای 24 كاتژمێری كران كە تیمێكی شارەزا بەهاوكاریی ژمارەیەك لە كۆمپانیاكان سەرقاڵی فراوانكردنی ئەو پرۆژەیەن، تەوەرێكی دیكەی كۆبوونەوەكە تایبەت بوو بە كوالێتیی بەنزین وگازوایل”.
