سەرۆكایەتیی شارەوانیی سلێمانی دەڵێت، “گەیاندنی پڕۆژە خزمەتگوزارییەكان بەردەوامە و ئەمڕۆ شەممە سەرۆكی شارەوانی لە سەردانێكی مەیدانیدا تیمەكانی قیرتاوكردن و بەشی ئامێرەكانی بەسەركردەوە كە سەرەڕایی پشووی رەسمی ماندوونەناسانە كارەكانیان جێبەجێدەكەن بۆ ئەو پلانەی لەسەرەتای ئەمساڵەوە دایانڕشتووە و سوپاس و دەستخۆشیی لێكردن”.
ئاماژە بۆ ئەوەش كراوە، تیمەكانی شارەوانی دەستیان كردووە بە قیرتاوكردنی بەردەم خوێندنگەی برەوی سەرەتایی لە گەڕەكی سەروەریی، لەپێناو خزمەتكردنی منداڵان و مامۆستای خوێندنگەكە و دانیشتووانی ناوچەكە.
دەشڵێت، “تیمی چاكسازیی ئامێرەكان لە گەڕەكی سەرچنار لە كاركردندا بوون بۆ نۆژەنكردنەوە و چاككردنی چەندین چاڵی شەقامەكان”.
