ئەمڕۆ لە شاری بەغداد نوێنەرانی مامۆستایانی ناڕازی لەگەڵ محەمەد شیاع سودانی سەرۆک وەزیرانی عێراق کۆبوونەوە سەرچاوەیەکیش لە کۆبوونەوەکەوە رایگەیاند، ئەنجامەکەی ئەرێنی بووە.
سەرچاوەیەکی ئاگادار لە کۆبوونەوەکەدا بە تۆڕی میدیایی ئێستای راگەیاند، ئەمڕۆ نوێنەرانی مامۆستایانی ناڕازی لەگەڵ محەمەد شیاع سودانی سەرۆک وەزیرانی عێراق کۆبوونەوە و چوار داواکاری مامۆستایانیان خستە بەردەست.
ئاماژەی بەوەشکرد، داواکارییەکان خۆیان لە هاوتاکردنی مووچەی خانەنشینانی هەرێم و بەغداد، دەستپێکردنەوەی پلەبەرزکردنەوە،
دیاریکردنی چارەنووسی سێ مووچەی ئەمساڵ و ئەو مووچانەی کە بە لێیبڕاوە و یان ئەو 12 مووچەیەی پاشەکەوتکراوە دەبینێتەوە.
ئاشکراشیکرد، کۆبوونەوەکە ئەرێنی و مژدەبەخش بووە بۆ مامۆستایان و فەرمانبەرانی هەرێم و سودانی بەڵێنی چارەسەرکردنی کێشەکانی پێداون.
