لە وڵاتی چین 91 کەس دوای نەخۆشکەوتنیان رەوانەی نەخۆشخانەکران و دەرکەوت بەکتریایەکی بکوژ هۆکاربووە.
میدیاکانی چین بڵاویانکردەوە، 91 کەس رەوانەی نەخۆشخانە کراون و 40 کەسیان دوای جێگیربوونی تەندروستیان رەوانەی ماڵەوە کراونەتەوە و 43 کەس لە نەخۆشخانە ماونەتەوە و چوار کەسیان گیانیان لەدەستداوە و دۆخی چوار کەسی دیکەشیان دۆخی تەندروستییان ناجێگیرە.
ئاشکراشیانکرد، سەرجەم تووشبووەکان پێش نەخۆشکەوتنیان لە بازاڕە جیاوازەکانی وڵاتەکەیان ماسیان کڕیوە و خواردوویانە.
بە وتەی شارەزایانی بواری پزیشکی، ئەو کەسانە بەهۆی خواردنی جۆرە ماسییەکەوە نەخۆشکەوتن کە هەڵگری جۆرە بەکتریایەک بووە کە Streptococcus agalactiae ی پێدەوترێت و لە گۆڕاوی ST283 ە.
