گەردەلولێکی بەهێز ویلایەتی ئاریزۆنای ئەمریکای گرتووەتەوە و بەهۆیەوە زیاتر لە 30 هەزار ماڵ و شوێنی بازرگانی کارەبایان بڕاوە.
میدیاکانی ئەو وڵاتە باس لەوە دەکەن، گەردەلولێکی بەهێز باشووری فۆنیکسی لە ویلایەتی ئاریزۆنای ئەمریکا گرتووەتەوە کە خێراییەکەی لەنێوان 50 بۆ 80 مایلدایە لە کاتژمێرێکدا، بەهۆیەوە زیانێکی ماددیی زۆری لێکەوتووەتەوە.
ئەو ناوچەیە لە ئێستادا رووبەڕووی زریان و لافاو بووەتەوە هاوکات گەردەلولیش ناوچەکەی گرتووەتەوە، ئەمەش بووەتە هۆی ئەوەی کەشناسیی ئەو ناوچەیە هۆشداری بدات کە مەوزای بینین نزیک ببێتەوە لە سفر.
هەروەها ئەگەری هەیە پچڕانی کارەبا لەو ناوچەیە بۆ 80 هەزار ماڵ و باڵەخانەی بازرگانی بەرزببێتەوە.
