بەپێی ئەو زانیارییانەی بە تۆڕی میدیایی ئێستا دراون، سەر لە ئێوارەی ئەمڕۆ پێنجشەممە هێزەكانی زێرەڤانی سەر بە پارتی دیموكراتی كوردستان لە كۆمەڵگەی كۆڕەك لە شاری هەولێر هێرشدەكەنە سەر هاوڵاتییەك كە بەنیاز بووە خانوو دروستبكات و كەسێكی دیكەش برینداربووە.
ئاماژە بۆ ئەوەش كراوە، چوونی هێزەكە بۆ ئەوە بووە كە رێگری بكەن لە دروستكردنی خانوو لەلایەن هاوڵاتییانی ئەو كۆمەڵگایەوە و لەگەڵ گەیشتنی هێزەكانی زێرەڤانی، دانیشتووانی ئەو كۆمەڵگایە رووبەڕوویان بوونەتەوە و داوایان لێكردوون كە گرفتیان بۆ دروستنەكەن.
هەر بەپێی زانیارییەكان، بەبێ گوێدانە داواكاریی دانیشتووانی كۆمەڵگەكە دەستیان بە تەقەكردن كردووە و بەهۆیەوە كەسێك كوژراوە و كەسێكی دیكەش برینداربووە.
