محەمەد شیاع سودانی داوای ئەنجامدانی لێکۆڵینەوەی بەپەلە لە رووداوی هێرشە موشەکیەکەی شەوی رابردوو دەکات.
لە راگەیەندراوێکی نووسینگەی سەرۆک وەزیراندا هاتووە، محەمەد شیاع سودانی وەزیری ناوخۆی راسپاردووە لێکۆڵینەوەی بەپەلە لەو بۆشاییە ئەمنییەی شەوی رابردوو لە ناوچەی عامرییە دروستبوو و بووە هۆی ئاڕاستەکردنی چەند مووشەکێک لە ناوچەی عامرییە.
هەر لە راگەیەندراوەکەدا هاتووە، داواکراوە لە ماوەی 48 کاتژمێردا ئەنجامی لێکۆڵینەوەکان ئاشکرابکرێن و ئەو کەسانەی کەمتەرخەمبوون دەستنیشانبکرێن.
ئەمە لە کاتێکدایە شەوی رابردوو بە چەند مووشەکێک بنکەی سەربازیی ڤیکتۆریا لە شاری بەغداد کرایە ئامانج.
