سەرۆکی دیوانی ئەنجومەنی وەزیرانی هەرێمی کوردستان لە کۆنگرەیەکی رۆژنامەنووسیدا رایگەیاند، ئێمە پابەندی هەموو ماددەکانی بودجەی فیدڕاڵیی عێراقین و لەماوەی دوو رۆژی رابردوودا لەسەر چەندین پرسی هەڵپەسێردراو گفتوگۆمان لەسەر چارەسەرکردنی کێشەکان کردووە.
ئومێد سەباح، سەرۆکی دیوانی ئەنجومەنی وەزیرانی هەرێمی کوردستان ئاماژەی بەوەشکرد، هەموو هەوڵەکانی هەرێمی کوردستان بۆ چارەسەرکردنی کێشەکانە و پێشوازی لە هەر دەستپێشخەرییان بۆ ئەو مەبەستە دەکەین.
باسی لەوەشکرد، چەندین دانیشتن کراوە لەگەڵ لیژنەی دارایی ئەنجومەنی نوێنەران و هەوڵ بۆ چارەسەرکردنی تەواوی کێشەکانی دەنرێت و چاوڕوانیش لە لیژنەی دارایی ئەنجومەنی نوێنەران دەکەن کە رۆڵێکی کارایان هەبێت بۆ ناردنی مووچە لە کاتی خۆیدا.
