دوای مانەوەی نرخی 100 دۆلاری ئەمریکی لە سەروو 150 هەزار دینارەوە لەماوەی دوو هەفتەی رابردوودا، ئەمڕۆ بەهای 100 دۆلار لە بازاڕەکانی هەرێمی کوردستان بۆ 149 هەزار و 800 دینار دابەزی.
بانکی ناوەندیی عێراق بۆ ئەمڕۆ یەکشەممە خشتەی خستنەڕووی دۆلاری بڵاوکردەوە، بە گوێرەی خشتەکە 260 ملیۆن و 796 هەزار و 77 دۆلار بووە و لەو بڕەش 253 ملیۆن و 996 هەزار و 77 دۆلاری بەشێوەی حەواڵاتی نەقدی بووە و بڕی شەش ملیۆن و 800 هەزار دۆلاریشی بەشێوەی نەختینە بووە.
بەیانی ئەمڕۆ لە کاتی کردنەوەی بازاڕەکانی دراو لە شاری سلێمانی بەهای 100 دۆلار بەرامبەر بە 150 هەزار و 100 دینار بوو، دواتر بەهاکەی دابەزی.
