قورسە ڕێگری بكەیت لەوەی بچیتە تەمەنەوە، بەڵام دەتوانیت پیربوون خاو بكەیتەوە و دوای بخەیت، ئەوەش لەڕێگای جێبەجێكردنی شێوازێكی ژیانی هاوسەنگ و سیستمێكی خۆراكیی تەندروست.
خۆپارێزی لە پیربوونی پێشوەختە، تەنها لەڕێی بەكارهێنانی بابەكاتی جوانكاری و پێستەوە نابێت، بەڵكو دەتواندرێت پشت بە سیستمێكی خۆراكیی بەتاڵ لە پێكهاتەی زیانبەخش ببەسترێت.
بەگوێرەی توێژینەوەیەكی زانكۆی “مۆناش”ی ئوسترالی كە لەسەر پەیوەندییەكانی نێوان پیربوون و سیستمی خۆراكی كردوویەتی، 13 جۆر خۆراكی دیاریكردووە كە كاریگەرن لەسەر زوو پیربوونی مرۆڤ. بریتین لە؛
1- خوێ؛ خراپترین پێكهاتەی خۆراكییە بۆ مرۆڤ، چونكە ئاوی لەش دەمژێت و دەبێتە هۆی وشكبوونی پێست و چرچبوون خێرا دەكات، بۆیە شارەزایان ئامۆژگارییان ئەوەیە تا دەتواندرێت خۆمان لە بەكارهێنانی خوێ دووربخەینەوە.
2- زوڕات؛ بەوە جیا دەكرێتەوە كە ڕێژەی شەكر لە خوێن زیاد دەكات، ئەوەش شانەكانی لاشەی مرۆڤ دەخوات و دەرئەنجامەكەشی پیربوونی پێشوەختەیە.
3- گەنم؛ هاوشێوەی گەنمەشامی ڕێژەی شەكر لە خوێندا زیاد دەكات.
4- گۆشتی ئامادەكراو؛ بڕێكی زۆر لە ڕۆن و خوێ لە خۆ دەگرێت، ئەوەش بە هەمان شێوە زیان بە شانەكانی لەش دەگەیەنن، ئامۆژگاری كراوین بەوەی بڕێكی كەمی بخۆین.
5- قاوە؛ خوادنەوەی قاوە هێزێكی بێوێنە بە لەش دەدات، بەوەش زۆر خواردنەوەی قاوە وا دەكات هێزێكی زیاد لە پێویست خەرج بكەیت، بۆیە شارەزایان ئامۆژگارییمان دەكەن ڕۆژانە یەك بۆ دوو كوپ قاوە بخۆینەوە.
6- گۆشتی زیاد سورەوكراو؛ بە زیانبەخش بۆ پێست جەستە دادەنرێت، هەروەها بەرپرسە لە خێرا پیربوونی پێست.
7- شیر؛ بە سەرچاوەیەكی گرنگی كالیسیۆم دادەندرێت، بەڵام دەشبێتە هۆی دەركەوتنی زیبكە و ئەوەش پێست تێك دەدات.
8- مارگارین (كەرە)؛ كەرە بە خۆراكێك دادەنرێت كە هۆكارە بۆ قەڵەوبوون.
9- بنێشت؛ جوینی بنێشت بە بەردەوامی دەبێتە هۆی چرچبوونی پێشوەختەی دەموچاو.
10- پەنیر؛ هەرچەندە پەنیر یەكێكە لە خۆراكە پێویستەكان، بەڵام بۆ لەش بە سوود نییە، دەوڵەمەندە بە ئۆكسید و پیربوون خێرا دەكات.
11- شەكر؛ یەكێكە لەو پێكهاتانەی كە مرۆڤ ئاڵودە دەكات، لە كاتێكدا بەرهەمهێنانی ئەنسۆلین لە جەستەدا زیاد دەكات ئەوەش دەبێتە هۆی پیربوون.
12- زەیتە ڕووەكییەكان؛ یەكێكە لەو پێكهاتە باوانەی خۆراك كە بۆ جەستە زیانبەخشە.
13- خواردنەوە گازییەكان؛ بە دووژمنی پێست دادەنرێت، ڕێژەی ترشەڵۆكی بەرزە، ئەوەش چالاكی جەستە كەمدەكاتەوە.
