بەڕێوەبەری گشتیی تەندروستیی جیهان پیرۆزبایی لە پەرستارێکی سنووری تەندروستیی سلێمانی دەکات کە وەک یەکێک لە 100 کاریگەرترین ژنەکانی جیهان دیاریکراوە.
دکتۆر سەباح هەورامی رایگەیاند، پەرستارێك لەسنووری بەرێوبەرایەتیی گشتیی تەندروستیی سلێمانی بووبە یەكێك لە كاریگەترین ئافرەتەكان بۆ ساڵی 2022.
بەپێی راگەیەندراوەکەی بەرێوەبەری تەندروستیی سلێمانی، پێگەی بی بی سی ناوی ئافرەتانی كاریگەری لە جیهان بۆ ساڵی 2022 ئاشكراكرد كەئەو لیستە پێكهاتووە لە100 ئافرەت لەسەرانسەری جیهان وەك میوزیستان و گۆرانیبێژ و هونەرمەند و وەرزشەوان و چالاكوان و پیشەكار ، لەنێو ئەو لیستەدا ناوی پەرستار (نیگار مارف) لەیەكەی سووتاوی لەنەخۆشخانەی سووتاوی و نەشتەرگەری جوانكاری لەشاری سلێمانی تێدایە.
ئاماژەی بەوەکردووە، لە لیستی ئافرەتانی كاریگەر لە جیهاندا هاتووە كارەكانی پەرستار (نیگار مارف) بریتیە لە چارەسەركردنی ئەو ژنانەی خۆیان سووتاندووە و ئاگریان لە خۆیان بەرداوە و ناوبراو نزیكەی 25 ساڵە لە نەخۆشخانەی سلێمانی بۆ سوتاوی و نەشتەرگەریی جوانكاریی لە شاری سلێمانی كاردەكات لە بواری سووتانی منداڵان و چاودێریی چڕ و هەروەها چارەسەری ئەو نەخۆشانە دەكات كە تووشی سووتان بوون.
