پزیشکەکان هۆشداریی دەدەن لەو مەترسیانەی کە لەگەڵ دانیشتن بۆ ماوەیەکی زۆردا سەرهەڵدەدەن و دیارترینی ئەو مەترسیانەش توشبوونە بە نەخۆشی مەی سۆرنەری (May-Thurner) مەترسیدار.
نەخۆشی مەی سۆرنەر کاتێک روودەدات کە خوێنبەرێک فشار دەخاتە سەر خوێنبەرێک و ئەوەش دەبێتە هۆی مەینی خوێن لە قاچەکاندا.
بێپانی بارۆن گیبس، پزیشکی دڵ لە زانکۆی وێست ڤێرجینیا دەڵێت، “دانیشتن بۆ ماوەی یەک کاتژمێر بەبێ جوڵە بەسە بۆ زیادکردنی مەترسی تووشبوون بە خوێن مەین”.
بەپێی توێژینەوەیەک ئەو نەخۆشییە زیاتر لە ژناندا دەردەکەوێت و نزیکەی یەک ژن لە هەر پێنج ژنێک تووشی ئەو نەخۆشییە دەبێت، کە دەبێتە هۆی ئاوسان و دروستبوونی برین لە قاچیاندا بەهۆی کێشەی خوێنبەرەکانەوە.
هەرچەندە تاوەکو ئێستا هۆکاری وردی ئەم نەخۆشییە لەژێر لێکۆڵینەوەدایە، بەڵام لێکۆڵینەوەکان ئاماژە بەوە دەکەن کە دانیشتن بۆ ماوەیەکی زۆر هۆکارێکی سەرەکی توشبوونە بەو نەخۆشییە.
