بەڕێوەبەرایەتیی پۆلیسی زاخۆ رایدەگەیەنێت، ئەمڕۆ گەنجێكی تەمەن 18 ساڵ لە رووباری خابوور لە نزیك گوندی گوفكێ لە سنووری قەزای باتیفا خنكا.
پۆلیسی زاخۆ لە راگەیەندراوێكدا بڵاویكردەوە، ئەمڕۆ گەنجێكی تەمەن 18 ساڵ كە خەڵكی شاری موسڵ بووە لە رووباری خابوور لە نزیك گوندی گوفكێ لە سنووری قەزای باتیفا خنكا.
ئاماژە بۆ ئەوەش كراوە، راستەوخۆ لەلایەن تیمی مەلەوانیی بەرگریی شارستانییەوە تەرمی ئەو گەنجە دۆزراوەتەوە و لە ئاوەكە دەرهێندراوە لە ئێستاشدا بۆ پزیشكی دادی زاخۆ رەوانەكراوە و بە بڕیاری دادوەر پەڕاوی لێكۆڵینەوە بۆ ئەو رووداوە كراوەتەوە.
