وتەبێژی یەکێتی رایدەگەیەنێت، ” سەرکەوتنی ئێمە لە کەرکوکدا تاقیدەکرێتەوە”.
سەعدی ئەحمەد پیرە، وتەبێژی یەکێتیی نیشتمانیی کوردستان لە کۆنفرانسێکی رۆژنامەوانیدا لە دیوانی پارێزگای کەرکوک رایگەیاند، کەرکوکییەکان باشترین کەسیان بۆ پۆستی پارێزگار هەڵبژاردووە کە هیچ کات کەرکوکی بەجێنەهێشتووە و لەسەرجەم بوارەکان رۆڵی هەبووە.
باسی لەوەشکرد، دەبێت هەمووان دەستی برایەتی بۆ یەکتری درێژبکەن و پێکەوە ژیان بپارێزن لەپێناو نەمانی ئازارەکانی رابردوو، هەروەها دابینکردنی ژیانێکی خۆش بۆ هەموو پێکهاتەکان.
وتەبێژی یەکێتی وتیشی، “ئەرکی یەکێتی و سەرجەم لایەنەکانە پێکەوە ژیانی کەرکوک بپارێزین و سەرکەوتنی ئێمە لە کەرکوکدا تاقیدەکرێتەوە”.
