زانکۆی چەرموو لە راگەیەندراوێکدا ئاگاداری دەرچووانی خوێندنی باڵا (دبلۆمی باڵا، ماستەر، دکتۆرا)ی زانکۆی چەرموو دەکاتەوە بۆ سەردانکردنی بەڕێوەبەرێتیی خوێندنی باڵا لە سەرۆکایەتیی زانکۆ.
لە راگەیەندراوەکەی زانکۆی چەرموودا ئەوەش هاتووە، ئاگادارییەکە ئەو دەرچووانەی خوێندنی باڵا دەگرێتەوە کە پێش 14ی6ی2023 فەرمانی زانکویی پێدانی بڕوانامەیان بۆ دەرچووە و دانیشتووی ناوچەکانی دەرەوەی سنووری ئیدارەی هەرێمی کوردستانن و تاکو ئێستا دانەمەزراون.
داواشیان لێدەکات، رۆژی یەکشەممە 1ی9ی2024 سەردانی بەڕێوەبەرێتیی خوێندنی باڵا لە سەرۆکایەتیی زانکۆ بکەن.
