رەنگە وا بیربکەیتەوە کە خواردنی مۆز تەنها ژەمێکی سووکە، بەڵام لە راستیدا سەرچاوەیەکی خۆراکی بەهێزە و دەکرێت چەندین سوودی بۆ تەندروستیی هەبێت.
پێگەی Money Control هەشت سوودی مۆزی بڵاوکردووەتەوە کە ئەوانیش:
-لەگەڵ ئەوەی دەوڵەمەندە بە ڤیتامینەکان و کانزاکان، بەڵام رێژەی کالۆری کەمە و بۆ یەک مۆزی قەبارە مامناوەند تەنها 105 کالۆرییە.
-ئەگەر کەسێک پێویستی بە وزەیەکی زۆر بێت لە کاتێکی کەمدا مۆز باشترین بژاردەیە، چونکە کاربۆهیدراتی تێدایە.
-تەندروستیی ریخۆڵە دەپارێزێت بەهۆی ئەوەی دەوڵەمەندە بە ریشاڵەکان و بۆ تەندروستیی کرداری هەرس پێویستە.
-کاتێک مۆز دەخۆیت رێگری لە زیادەخۆری دەکات بەو هۆیەشەوە کۆنتڕۆڵی کێشی جەستە دەکات.
-دەوڵەمەندە بە پۆتاسیۆم هەر بۆیە بۆ تەندروستیی دڵ پێویستە و مەترسی بەرزبوونەوەی فشاری خوێن کەمدەکاتەوە.
-دۆخی دەروونی باشتردەکات و هەستکردن بە دڵخۆشی و ئارامی زیاتردەکات.
-تەندروستیی رووخسار و پێستی جەستە دەپارێزێت.
-تەندروستیی ئێسک و ماسولکەکان دەپارێزێت.
