ئەندامێكی ئەنجومەنی نوێنەرانی عێراق رایدەگەیەنێت، وەزارەتی خوێندنی باڵا بڕیاری دان پێدانانی هەمیشەیی بە زانكۆی راپەڕین و چەند زانكۆیەكی تر دەركرد و خستنیە ناو لیستی رێبەری زانكۆ باوەڕ پێكراوەكانی عێراقەوە”.
بدریە حسێن، ئەندامی لە لیژنەی خوێندنی باڵا لە ئەنجومەنی نوێنەرانی عێراق رایگەیاند، “وەزارەتی خوێندنی باڵا بڕیاری دان پێدانانی هەمیشەیی بە زانكۆی راپەڕین و چەند زانكۆیەكی دیكە دەركرد و خستنیە ناو لیستی رێبەری زانكۆ باوەڕ پێكراوەكانی عێراقەوە”
دەشڵێت، “ئەمە دوابە دوای هەوڵ و ماندووبوون وبەدواداچوونە بەردەوامەكانمان لەگەڵ وەزیری خوێندنی باڵا و ستافی پێشكەوتووی وەزارەتەوە بووە و لەسەرەتای دەست بەكاربوونمان لە لیژنەی خوێندی باڵا بەڵێنماندا كار بكەین بۆ دانپێدانان بەو زانكۆ حكومییانەی هەرێمی كوردستان كەتا ئێستا لە لایەن حكومەتی عێراقەوە دانیانپێدانەنراوە.
وتیشی، “خۆشبەختانە هەوڵەكانمان بە ئەنجام گەشت و زانكۆی راپەڕین خرایە ناو لیستی زانكۆ باوەڕپێكراوەكانی عێراقەوە”.
