سەرچاوەیەکی ئاگادار لە وەزارەتی دارایی عێراق بە ماڵپەڕی بەغداد الیومی راگەیاندوە، لەماوەی دوو رۆژی داهاتوودا پارەی مووچەی مووچەخۆرانی هەرێم رەوانەدەکرێت.
سەرچاوەکە ئاماژەی بەوەشکردووە، بۆ ئەم مانگە مووچەی خانەنشینانی هەرێم هاوتای عێراق نەکراوە و هاوشێوەی مانگەکانی رابردوو دەبێت.
باسی لەوەشکردووە، مووچەی هەموو مووچەخۆران بە هێزە ئەمنییەکانیشەوە بە یەک جار دەنێردرێت، ئەوەش دوای تەواوکردنی پێداچوونەوە و وردبینی بە لیستەکانیاندا.
سەرچاوەکە ئەوەشی دووپاتکردووەتەوە، وەزارەتی دارایی هەرێمی کوردستان لیستی مووچەی ئامادەکردووە و لەگەڵ گەیشتنی پارەکە دەبێت دەست بەدابەشکردنی مووچە بکات بەشێوەیەکی راستەوخۆ.
