وتەبێژی وەزارەتی کارەبای عێراق رایگەیاند، رۆژانە بە تێكڕا هەرێم 90 مێگاوات کارەبا بە عێراق دەدات.
ئەحمەد موسا وتەبێژی وەزارەتی کارەبای عێراق رایگەیاند، لە ئێستادا عێراق رۆژانە 27 هەزار و 450 مێگاوات کارەبا بەرهەمدەهێنێت، لە کاتێکدا پێویستمان بە 48 هەزار مێگاوات کارەبا هەیە ئەمەش کاریگەری لەسەر کاتژمێرەکانی پێدانی کارەبا هەیە.
ئاماژەی بەوەشکرد، گرێبەستمان لەگەڵ هەرێمی کوردستان هەیە و رۆژانە بە تێكڕا 90 مێگاوات کارەبامان پێدەگات، جگە لەوەش سەرۆکی ئەنجومەنی وەزیران دەسەڵاتی داوەتە وەزیری کارەبا کە گازوایل بۆ ئەو وێستگانە دابینبکات کەبەهۆی نەبوونی سووتەمەنییەوە بەرهەمهێنانی کارەبا تێیاندا وەستاوە.
