دژەتیرۆری کوردستان و هاوپەیمانان لە ناحیەی زنانە سەر بە قەزای کفری، کێوماڵێکیان ئەنجامدا.
بەڕێوەبەرایەتیی گشتیی دژەتیرۆر بڵاویکردەوە، لە چوارچێوەی ئەرک و هەوڵە بەردەوامەکانی بۆ لەناوبردنی پاشماوە و شانەکانی تیرۆریستان، بەڕێوبەرایەتیی گشتیی دژەتیرۆر بە هاوبەشیی هێزەکانی هاوپەیمانان، ئۆپراسیۆنێکیان لە سنووری زنانە ئەنجامدا بەمەبەستی کێوماڵکردنی ناوچەکە و پاککردنەوە و لەناوبردنی مۆڵگە و حەشارگەکانی تیرۆریستان.
ئاماژەی بەوەشکرد، لە هەڵمەتەکەدا توانرا ناوچەیەکی بەرفراوان پاکبکرێتەوە و دەستبگیرێت بەسەر پاشماوەکانیاندا و مەترسیی گروپە تیرۆریستییەکان لەو سنوورە، نەهێڵدرێت.
