بەڕێوەبەری فڕۆکەخانەی هەولێر رایگەیاند، دروستبوونی کێشە لە سیستمی مایکرۆسۆفت هیچ کاریگەری لەسەر کارکردنی فڕۆکەخانەکانی هەرێم و گەشتە ئاسمانییەکان دروستنەکردووە.
ئەحمەد هۆشیار بەڕێوەبەری فڕۆکەخانەی هەولێر بە تۆڕی میدیایی ئێستای راگەیاند، وەک هەر کاتێکی ئاسایی دیکە لە کارکردنمان بەردەوامین، هیچ گۆڕانکاری و کێشەیەک لە گەشتە ئاسمانییەکان دروستنەبووە.
ئاشکراشیکرد، دروستبوونی کێشە لە سیستمی ئەلیکترۆنی جیهانی ماوەی چەند کاتژمێرێکی خایاند و چارەسەرکرا.
