دوای جێبەجێكردنی داواكارییەكانیان لەلایەن بافڵ جەلال تاڵەبانی سەرۆكی یەكێتیی نیشتمانیی كوردستان و قوباد تاڵەبانی جێگری سەرۆكی حكومەت دانیشتووانی قەزای كفری دوای 32 رۆژ لە ناڕەزایەتی كۆتاییان بە مانگرتنەكەیان هێنا.
لە كۆنگرەیەكی رۆژنامەوانیدا رایانگەیاند، لە كۆبوونەوەمان لەگەڵ جێگری سەرۆكی حكومەت بەڵێندرا سەرجەم داواكارییەكانمان جێبەجێبكرێت و ئەو پرۆژانەی پێویستن بەپەلە جێبەجێبكرێن و پڕۆژەكانی دیكەش كە ستراتیژین بخرێنە قۆناغی دواترەوە.
ئاماژەیان بۆ ئەوەش كرد، لە كۆبوونەوەكانمان لەگەڵ بافڵ جەلال تاڵەبانی سەرۆكی یەكێتی بڕیاریدا تەواوی داواكارییەكانمان جێبەجێبكرێت و بڕیاردرا خزمەتی شاری كفری بكرێت و هەلی كار بۆ گەنجان بڕەخسێندرێن لەگەڵ دروستكردنی پارك بۆ منداڵان لە قەزاكە.
