ئەمڕۆ نرخی زێڕ گەیشتە بەرزترین ئاست لە مێژووی خۆیدا و زیاتر لە 40 دۆلار بەرزبووەوە و لێپرسراوی زەڕەنگەرەکانی سلێمانی هۆکارەکەی دەخاتەڕوو.
ئێوارەی ئەمڕۆ بە کاتی هەرێمی کوردستان، نرخی زێڕ زیاتر لە 40 دۆلار بەرزبووەوە و هەر ئۆنسەیەک گەیشتە 2 هەزار و 462 دۆلار کە بەرزترین ئاستی مێژوویی زێڕە تاوەکو ئێستا.
لەبارەی هۆکاری بەرزبوونەوەی نرخی زێڕەوە دلێر تاهیر، لێپرسراوی زەڕەنگەرەکانی سلێمانی بە تۆڕی میدیایی ئێستای راگەیاند، ”بەهۆی زۆری خواست لەسەر زێڕ، هەڵبژاردنەکانی ئەمریکا و زیاتر بوونی ململانێکان لە جیهاندا نرخەکەی بەو شێوەیە بەرزبووەتەوە”.
پێشبینیش دەکرێت بەهۆی بەرزبوونەوەکەی ئێوارەی ئەمڕۆ، سبەینێ نرخی ئۆنسەی زێڕ لە کاتی کرانەوەی بازاڕەکاندا لە هەرێمی کوردستان زیاتر لە پێنج هەزار دینار بەرز ببێتەوە.
