پۆلیسی هەولێر رایدەگەیەندێت، 12 تۆمەتباردەستگیركران و دەست بەسەر چەندین پارچە چەك و تەقەمەنیدا گیرا.
پۆلیسی هەولێر لە راگەیەندراوێكدا ئاماژەی بەوەكردوە، دوای ئەوەی لەلایەن هاوڵاتییانەوە ئاگاداركراینەوە كە لە شوێنێكی شاری هەولێر بە شێوەیەكی نایاسایی مامەڵە بە كڕین و فرۆشتنی چەكەوە دەكرێت، دوای لێكۆڵینەوەیەكی ورد ئۆپەراسیۆنێكمان بۆ سەر ئەو شوێنە ئەنجامدا و توانیمان دەستبەسەر چەندین جۆر پارچە چەكدا بگرین، لەوانە یەك قەناس، 18 دەمانچە، نۆ كلاشینكۆف، 174 مەخزەنی چەك، زیاتر لە شەش هەزار فیشەكی جۆراوجۆر و چەندین كەلوپەلی سەربازیی تر و ژمارەیەك ئۆتۆمبێلدا گرت.
هەر لە راگەیەندراوەكەدا هاتووە، 12 تۆمەتبار دەستگیركراون كە مامەڵەیان بە چەكی نایاساییەوە كردووە و بەپێی ماددە 15ی چەك، دراونەتە دادگا و پەڕاوی لێكۆڵینەوەیان بۆ كراوەتەوە.
