وتەبێژی پۆلیسی سلێمانی رایدەگەیەنێت، دنیا عادل بە فەرمانی دادوەر و پشتبەستن بە ماددەی دوو لە یاسای خراپ بەكارهێنانی ئامێرەكانی پەیوەندییكردن دەستگیركراوە.
سەركەوت ئەحمەد، وتەبێژی پۆلیسی سلێمانی لە كۆنگرەیەكی رۆژنامەوانییدا لە شاری سلێمانی كە پەیامنێری تۆڕی میدیایی ئێستا ئامادەیبوو رایگەیاند، تۆمەتبار بە پشتنبەستن بە ماددەی دوو لە یاسای خراپ بەكارهێنانی ئامێرەكانی پەیوەندییكردن و بە فەرمانی دادوەر دەستگیركراوە و ئەو دەنگۆیانەی بڵاودەكرێنەوە هیچ بنەمایەكی نییە و دوورە لە راستییەوە كە گوایە لەلایەن هێزی دەمامكدارەوە دەستگیركرابێت و بەڵكو هێزەكانی پۆلیس بە فەرمانی دادوەر دەستگیریان كردووە و دوای ئەوەی وتەكانی لێوەرگیراوە لە بنكەی پۆلیس بە بڕیاری دادوەر بڕیاری بەندكردنی دراوە”.
وتیشی، “لەمەودوا هەر میدیایەك یاخود رۆژنامەنووسێك ناوزاندن بكات سكاڵای لەسەر تۆماردەكەین”.
