فەرماندەی گشتیی هێزەكانی هەسەدە رایدەگەیەنێت، بە نێوەندگیریی ئەمریكا گەیشتووینەتە رێككەوتنی ئاگربەست.
مەزڵوم عەبدی، فەرماندەی گشتیی هێزەكانی سوریای دیموكرات (هەسەدە) رایگەیاند، لە کاتێکدا بەرخۆدانی شـەڕڤانانمان بۆ وەستاندنی فراوانبوونی هێرشەکان لە رۆژئاوای فوراتەوە بەردەوامە، بە نێوەندگیریی ئەمەریکا لە منبج – لەپێناو پاراستنی خەڵکی سڤیل گەیشتووینەتە رێککەوتنی ئاگربەست.
دەشڵێت، هێزەکانمان کە لە 27ی نۆڤەمبەرەوە بەرەنگاری هێرشەکان دەبنەوە، بە زووترین کات لە منبج دووردەخەینەوە. ئامانجمان ئەوەیە لە سەرانسەری سووریا چەکەکان بێدەنگ بکرێن و لەپێناو داهاتووی وڵات بچینە پڕۆسەیەکی سیاسییەوە.
