دوای بردنەوەی پارتی کرێکارانی بەریتانیا بە ئەنجامێکی بەرچاو بەراورد بە پارتی پارێزگاران و بردنەوەی هەڵبژاردنەکان و بەدەستهێنانی 412 کورسی پەرلەمانیی، کییەر ستارمەر بە سەرۆک وەزیرانی نوێی وڵات دیاریکرا.
دوای دیاریکردنی سەرۆکوەزیرانی نوێی وڵات، ئەنجێلا راینەر بووە جێگری سەرۆک وەزیران و یڤیت کۆپەر بووە وەزیری ناوخۆ و دەڤید لامی بووە وەزیری دەرەوەی وڵات و جۆن هێلی بووە وەزیری بەرگریی وڵاتەکە و رەچەڵ ریڤز بووە یەکەم ژنە راوێژکاری بەریتانیا کە پۆستی وەزیری گەنجینەی وەرگرت.
هاوکات، بریجیت فیلیپسۆن بووە وەزیری پەروەردە و ئێد میلیباند بووە وەزیری وزە، ویس ستریتینگ بووە وەزیری تەندروستی، شەبانە مەحموود بە وەزیری داد، دەستنیشان کران.
هەر ئەمڕۆ، ستارمەر سوێندی خوارد متمانە بۆ سیاسەت بگەڕێنێتەوە و حکومەتێکی خزمەتگوزاری بنیات بنێت، لە یەکەم وتارەکەیدا وەک سەرۆک وەزیران ئەوەی راگەیاند.
هۆشداریشیدا لەوەی هەر پێشکەوتنێک کاتی دەوێت، سەرەتا پێویستە باوەڕ بە سیاسەت بنیاتبنێنەوە و ئەو بێ متمانەیەی ئێستا هەیە تەنیا بە کردار چارەسەر دەبێت، نەک بە قسە.
دڵنیایشیدا، حکومەتەکەی خزمەتی هاوڵاتییان دەکات، جەختیکردەوە، “سیاسەت دەتوانێت هێزێک بێت بۆ چاکە، ئێمە ئەوە نیشان دەدەین.”
