کۆمسیۆن ئەو لایەنانە ئاگاداردەکاتەوە کە چاودێریی هەڵبژاردن یان رووماڵی پرۆسەکە دەکەن بۆ وەرگرتنی باج، سەردانی ئۆفیسی هەڵبژاردن لە پارێزگاکان بکەن.
کۆمسیۆنی باڵای سەربەخۆی هەڵبژاردنەکانی عێراق رایگەیاند، ئاگاداری رێکخراوەکانی کۆمەڵی مەدەنی و پارت و هاوپەیمانێتی و دەزگاکانی راگەیاندن دەکەینەوە، دەتوانن بە مەبەستی وەرگرتنی باجی چاودێریکردن و رووماڵی رۆژنامەوانیی هەڵبژاردنی پەرلەمانی کورستان، سەردانی ئۆفیسی هەڵبژاردنی پارێزگاکانی هەرێم بکەن.
رۆژی 20ی تشرینی یەکەم وەک رۆژی هەڵبژاردنی پەرلەمانی کوردستان دیاریکراوە و کۆمسیۆنی هەڵبژاردنەکانی عێراق سەرپەرشتیدەکات.
بۆ ئەو هەڵبژاردنە لایەنە سیاسییەکانی هەرێم کێبڕکێ لەسەر بەدەستهێنانی 100 کورسیی پەرلەمانی کوردستان دەکەن.
