پسپۆڕانی تەندروستیی بە گرنگییەوە باس لە خواردنی سەوزەوات دەکەن بەشێوەیەکی بەردەوام، بەڵام ئەو سەوزانە کامانەن کە سوودی زۆریان هەیە و سوودەکانیان کامانەن؟
دکتۆرە یکتیرینا کاشوخ، پسپۆڕێکی تەندروستیی خۆراکە، ئەو دەڵێت، سەوزەواتەکان سوودی بەرچاویان دەبێت بۆ جەستەی مرۆڤ ئەگەر بێت و بەشێوەیەکی دروست بخورێن.
لەناو سەوزەواتەکاندا باسی لە کەرەوز کردووە و دەڵێت، رێژەیەکی بەرزی ڤیتامین سی تێدایە، کە سێ هێندەی ئەو رێژەیەیە کە لە پرتەقاڵدا هەیە، جگە لەوەی ڤیتامین K تێدایە و خواردنی تەنها 10 گرامی بەشێوەی رۆژانە، هەموو پێویستی رۆژ دابیندەکات.
دواتریش باسی شویت دەکات و دەڵێت، “دەوڵەمەندە بە مەگنسیۆم و کالسیۆم و ئاسن و ڤیتامین سی، کە یارمەتی زوو چاکبوونەوەی برین دەدات لە جەستەدا، هاوکات لەگەڵ یارمەتیدانی هەرسکردنی خۆراکی قورس و کەمکردنەوەی کولیسترۆڵی خوێن.
پیازی سەوز لە پلەی سێیەمدا هاتووە، سیستەمی بەرگریی لەش بەهێز دەکات و یارمەتیدەرە بۆ کەمکردنەوەی کاریگەرییەکانی نەخۆشییەکانی پەیوەست بە سەرمابوون.
لە پلەی چوارەمدا، جەرجیڕ دێت، دەوڵەمەندە بە پۆتاسیۆم و مەگنسیۆم و کالسیۆم و بەرپرسن لە بەهێزی ئێسک و رێکخستنی لێدانی دڵ.
زەنجەفیل لە پلەی پێنجەم دادەنێت، پۆتاسیۆم و کالیسیۆم و مەنگەنیز و ڤیتامینەکانی A و B و C لەخۆدەگرێت، وەک بەهاراتێک لەگەڵ ماسی و گۆشت و سەوزە بەکاردێت و وەک پێکهاتەیەکی بنەڕەتی لە ئامادەکردنی خواردنەوەکان بەکاردێت. زەنجەفیل یارمەتی چارەسەرکردنی کۆکە دەدات و ئازاری سوڕی مانگانەی خانمان کەمدەکاتەوە.
