بڕیارە سبەینێ تاقیكردنەوەكانی 12ی ئامادەیی لە هەرێمی كوردستان دەستپێبكەن.
دڵشاد عومەر، بەڕێوەبەری گشتیی پەروەردەی سلێمانی بە تۆڕی میدیایی ئێستای راگەیاند، سبەی بە بەشداریی 27 هەزار و 829 خوێندكار لە سنووری سلێمانی تاقیكردنەوەكانی پۆلی 12ی ئامادەیی بە هەر سێ بەشی زانستی، وێژەیی و پیشەیی دەستپێدەكەن.
وتیشی، “لە سنووری پارێزگای سلێمانی تاقیكردنەوەكان لە 423 هۆڵ بەڕێوەدەچن”.
بەڕێوەبەری پەروەردە رێنوێنیی خوێندكارانیشی كرد كە ئەوەی پێویستە تەنها پێداویستییەكانی وەڵامدانەوەی تاقیكردنەوەكانە لە قەلەم، لاستیك و قەڵەم دادەر و ئەودوای پێداویستییەكان دابینكراوە.
باسی لەوەشكرد، رێوشوێنی پێویست بۆ رێگری لە گزیكردن گیراوەتەبەر و، داواشی لە خوێندكاران كرد بە هیچ هۆكارێكی ئەلیكترۆنیی گزیكردن هەڵنەخەڵەتێت و پشت بە تواناكانی خۆیان ببەستن بۆ وەڵامدانەوە.
