سعودیە چەند سزایەکی بۆ ئەوکەسانە دیاریکرد کە بەبێ مۆڵەت لەنێو مەککەدا حاجییان دەگوازنەوە.
وەزارەتی ناوخۆی سعودیە رایگەیاند، لیژنە ئیدارییە وەرزییەکانی بەڕێوەبەرایەتیی گشتیی پاسپۆرت چەند بڕیارێکی ئیدارییان دەرکرد کە بریتین لە، سزای 15 رۆژ زیندانی بۆ سەرجەم ئەو کەسانەی مۆڵەتیان نییە و حاجییان لەنێو مەککەدا دەگوازنەوە، لەگەڵ پێبژاردن بە بڕی 10 هەزار ریاڵ.
دەشڵێت، “سزاکە چەند هێندە دەبێتەوە ئەگەر کەسی سەرپێچیکار هەمان کردار دووبارەبکاتەوە”.
وەزارەتی ناوخۆی سعودیە داوادەکات، هاوڵاتییان پابەندی رێساو یاساکان بن بۆ ئەوەی سەردانکەرانی ماڵی خودا بتوانن لەکەشێکی ئارام و دڵنیاییدا پەرستشەکانیان ئەنجامبدەن.
