وتەبێژی کۆمسیۆنی باڵای هەڵبژاردنەکان لە عێراق رایگەیاند، لە 100 کورسی پەرلەمانی کوردستان بڕیاردراوە پێنج کورسیان بۆ پێکهاتەکان تەرخانبکرێت.
جومانە غەلای وتەبێژی کۆمسیۆنی باڵای سەربەخۆی هەڵبژاردنەکان بە تۆڕی میدیایی ئێستای راگەیاند، بە بڕیاری دەستەی دادوەریی هەڵبژاردنەکانی سەر بە ئەنجوومەنی باڵای دادوەریی عێراق، لە کۆی 100 کورسی پەرلەمانی کوردستان پێنج کورسیان بۆ پێکهاتە نەتەوەیی و ئاینییەکان تەرخانکراوە.
ئاماژەی بەوەشکرد، پێنج کورسییەکە بەم شێوەیە دابەشکراوە، دوو کورسی مەسیح و تورکمان لە هەولێر، دوو کورسی مەسیح و تورکمان لە سلێمانی، کورسییەک بۆ ئەرمەنییەکان لە دهۆک.
ئاشکراشیکرد، بڕیارەکە بنبڕە و ناتوانرێت تانەی لێبدرێت، ئەنجومەنی کۆمسیاران ئامادەکارییەکان بۆ جێبەجێکردنی دەستپێدەکات.
