سەرۆکی هەرێم رایدەگەیەنێت، له‌م کاته سه‌خته‌دا بیرمان له‌گه‌ڵ سه‌رکردایه‌تی و گه‌لی ئێرانی دۆست و دراوسێدایه.
لە بارەی ئەو رووداوەی بەسەر هەلیکۆپتەرەکەی سەرۆک کۆماری ئێران هات، نێچیرڤان بارزانی، سەرۆکی هەرێمی کوردستان لە تۆڕی کۆمەڵایەتیی ئێکس رایگەیاند،”به نیگه‌رانییه‌كى قووڵه‌وه چاودێریی هه‌واڵه‌کانی رووداوی هەلیکۆپته‌ری سه‌رۆک ره‌ئیسی ده‌که‌م”.
دەشڵێت، “له خودای مه‌زن داواکارم خۆیان و یاوه‌رانی باش و سه‌لامه‌ت بن، دڵمان لایانه و نزای خێریان بۆ ده‌که‌ین”.
سەرۆکی هەرێم ئەوەش دەڵێت، “له‌م کاته سه‌خته‌دا بیرمان له‌گه‌ڵ سه‌رکردایه‌تی و گه‌لی ئێرانی دۆست و دراوسێدایه”.
ئەمڕۆ یەکشەممە، هەلیکۆپتەری ئیبراهیم رەئیسی سەرۆک کۆماری ئێران تووشی رووداوێک بوو، تا ئێستا سەرۆکی وڵاتەکە و چەند بەرپرسێک کە لەنێو هەلیکۆپتەرەکەدابوون چارەنووسیان نادیارە.
