سەرۆكی كۆمەڵەی كێڵگەپەلەوەرییەكان رایدەگەیەنێت، نرخی مریشك زیاتر دابەزیوە و ئەمشەو یەك كیلۆ مریشك لە كێڵگە پەلەوەرییەكان بە دوو هەزار دینار دەفرۆشرێت.
نازم عەبدوڵا سەرۆكی كۆمەڵەی كێڵگە پەلەوەرییەكان لە لێدوانێكدا بە تۆڕی میدیایی ئێستای راگەیاند، شەوی رابردوو یەك كیلۆ مریشك لە كێڵگە پەلەوەرییەكان بە 1900 دینار بووە و ئەمشەو یەك كیلۆ مریشك لە كێڵگە پەلەوەرییەكان بە دوو هەزار دینار دەفرۆشرێت و هەفتەی رابردوو یەك كیلۆ مریشك بە دوو هەزار و 250 دیناربووە و نرخەكەی دابەزینی زیاتری بەخۆوە بینیوە.
وتیشی، ” خاوەنی كێڵگە پەلەوەرییەكان زەرەرمەندبوون و یەك كیلۆ مریشك لەسەر خاوەنی كێڵگە پەلەوەرییەكان دوو هەزار و 600 دینار دەكەوێت و دابەزینی نرخەكەشی بەهۆی زۆربوونی بەرهەمی مریشكەوەیە لە كێڵگە پەلەوەرییەكاندا”.
