ئاسایشی دەربەندیخان ڕایگەیاند، کەسێکیان لەناوبازاڕی شارەکەدا دەستگیرکردووە، کە تەقەی لە هاوڵاتییەک کردووە و برینداریکردووە.
ئاسایشی دەربەندیخان بە تۆڕی میدیایی ئێستای ڕاگەیاند، “تەقەکەرەکە خەڵکی چەمچەماڵە و بۆ تاوانەکە هاتووەتە دەربەندیخان، بەڵام لە شوێنی ڕووداوەکە دەستگیرکراوە”.
ئاسایش ڕاشیگەیاند، بریندارەکە بەهۆی سەختی برینەکەیەوە ڕەوانەی سلێمانی کراوە و لەژێر چاودێری پزیشکیدایە.
ئاسایشی دەربەندیخان، هۆکاری ڕووداوەکە بۆ کێشەی کۆمەڵایەتی دەگێڕێتەوە و دەڵێت، تۆمەتبارەکە دانی بەوەداناوە بۆ ئەو تاوانە سەردانی دەربەندیخانی کردووە.
