رووداوێکی هاتوچۆ لە سەنتەری شاری ئاکرێ لەنێوان دوو ئۆتۆمبێل روویدا و بەهۆیەوە چوار کەس برینداربوون.
ئازاد تەها وتەبێژی هاتوچۆی دهۆک بڵاویکردەوە، ئەمڕۆ هەینی کاتژمێر (4:00) ی دواینیوەڕۆ رووداوێکی هاتوچۆ لە سەنتەری قەزای ئاکرێ نزیک پارکی ئاکرێ روویدا و بەهۆیەوە چوار کەس برینداربوون.
رووداوەکە لە نێوان دوو ئۆتۆمبێل لە جۆرەکانی شۆفرلێت ئەڤیۆ و شۆفرلێت ئۆپترا روویداوە و جگە لە زیانە گیانییەکان زیانێکی زۆری ماددی لێکەوتەوە.
