ئەمڕۆ لە رێوڕەسمێكدا لە شاری سلێمانی فێستیڤاڵی گوڵ و نەمام لە پاركی ئازادی كرایەوە.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، بە ئامادەبوونی پارێزگاری سلێمانی، جێگری پارێزگار، قائیمقامی سلێمانی و سەرۆكی شارەوانیی سلێمانی فێستیڤاڵی (گوڵ و نەمام) لە پاركی ئازادی كرایەوە.
لە راگەیەندراوەكەدا هاتووە، ساڵانە بەڕێوەبەرایەتیی باخچەكانی سلێمانی سەر بە سەرۆكایەتی شارەوانیی سلێمانی فێستیڤاڵی ساڵانە ئەنجامدەدات و مەبەست لە ئەنجامدانی ئەم جۆرە فێستیڤاڵانە هاندانی هاوڵاتییانە لە پاراستنی ژینگە و ناساندنی زۆربەی نەمام و گوڵ و جۆرەكانی دارودرەخت.
ئاماژە بۆ ئەوەش كراوە، فێستیڤاڵی ئەمساڵ جیاواز لە ساڵانی پێشوو چەند ئامێرێكی كشتوكاڵی نمایشكرا.
