بەڕێوەبەرایەتی هاتوچۆی سلێمانی لە راگەیەندراوێکدا راستی و دروستی بەندکردنی ئاسۆ محەمەد ئەمین بەڕێوەبەری بەڕێوەبەرایەتییەکەی پشتراستکردەوە و وردەکارییەکەی ئاشکراکرد.
بە گوێرەی راگەیەندراوەکەی بەڕێوەبەرایەتیی هاتوچۆی سلێمانی، ئاسۆ محەمەد ئەمین، بەڕێوەبەری هاتوچۆی سلێمانی بەپێی بڕیاری دادگای ھێزەکانی ئاسایشی ناوخۆ /2 بووە و لە دادگاییەکەیدا، بە وەکالەت سزادراوە بە بەندکردن بۆ ماوەی یەک مانگ.
لەبارەی هۆکاری سزاکەوە ئەوە خراوەتەڕوو، بەھۆی خوێندن و بەدەست ھێنانی بڕوانامەی ماستەر لەناو ھەرێمی کوردستان بێ وەرگرتنی رەزامەندی و مۆڵەتی خوێندن بووە، کە پێچەوانەی رێنماییەکانی پەیوەست بەخوێندنە و ئەم سزای حوکمە پەیوەندی بە پۆست و کارکردنی لە بەرێوەبەرایەتی ھاتوچۆی سلێمانییەوە نییە.
