وتەبێژی وەزارەتی گواستنەوە و گەیاندنی حکومەتی هەرێم بڵاویکردەوە، بە گوێرەی پێشبینیەكانی كەشناسی ئەمشەو لەدوای كاژمێر 1:00ی شەو تا 9:00ی بەیانی بارانی بەلێزمە دەبارێت.
دیلان رەشاد، وتەبێژی وەزارەتی گواستنەوە و گەیاندنی حکومەتی هەرێم ئاماژەی بەوەکردووە، بارانە بەلێزمەکە سەنتەری شارەكان، دەشتی هەولێر، كۆیە، ئیدارەی گەرمیان، راپەڕین، دوكان، بەشێك لە پارێزگای دهۆك و سلێمانی دەگرێتەوە.
دەشڵێت، خوازیارین هاوڵاتییان ئاگاداری خۆیان بن و دووربن لە هەر زەرەر و زیانێكی ماڵی و گیانی.
حکومەتی هەرێمی کوردستانیش بڵاویکردەوە، بە گوێرەی پێشبینییەکانی کەشناسی و بوومەلەرزەزانیی هەرێمی کوردستان، تا درەنگانی ئەمشەو باران بەردەوام دەبێت و تەواوی رۆژی شەممەش، بارانبارین لە زۆربەی ناوچەکانی هەرێمی کوردستان بەردەوام دەبێت.
