مستەفا كازمی سەرۆك وەزیرانی عێراق لە شاری هەولێر شوێنی كەوتنەخوارەوەی مووشەكەكانی بەسەركردەوە.
ئەمڕۆ دووشەممە مستەفا كازمی سەرۆك وەزیرانی عێراق، گەیشتە شاری هەولێر و سەردانی ئەو شوێنانەی كرد كە بەرەبەیانی یەكشەممە مووشەكبارانكران.
سەرۆك وەزیرانی عێراق هاوڕێ لەگەڵ مەسرور بارزانی سەرۆكی حكومەتی هەرێم و فوئاد حسێن وەزیری دەرەوەی عێراق و ڕێبەر ئەحمەد وەزیری ناوخۆی هەرێمی كوردستان و چەند كەسایەتییەكی دیكە، ئەو شوێنانەیان بەسەركردەوە كە مووشەكەكانیان لێكەوتبوونە خوارەوە.
دواتر مستەفا كازمی لەگەڵ نێچیرڤان بارزانی سەرۆكی هەرێم و قوباد تاڵەبانی جێگری سەرۆكی حكومەتی هەرێمی كوردستاندا كۆبووەوە.
