وەزارەتی كارەبای هەرێم رایدەگەیەنێت، ئێوارەی رۆژی سێشەممە هەناردەی غاز لە كێڵگەی كۆرمۆر بۆ وێستگەكانی بەرهەمهێنانی كارەبا دەستیپێكردووەتەوە و دەشڵێت، ” لە 24 كاتژمێری داهاتوودا هەر سێ وێستگەی هەولێر و سلێمانی و بازیان دەكەونە كار”.
بەپێی راگەیەندراوێكی وەزارەتی كارەبای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئێوارەی رۆژی سێشەممە هەناردەی غاز لە كێڵگەی كۆرمۆر بۆ وێستگەكانی بەرهەمهێنانی كارەبا دەستیپێكرد و پەستانی غاز بۆ وێستگەكان بەرزبووەتەوە و بڕی 270 ملیۆن پێ سێجا غاز لە كۆی 520 ملیۆن پێ سێجای پێویست گەیشتووەتە وێستگەكان و دەكاتە نیوەی توانای وێستگەكان.
هەر لە راگەیەندراوەكەدا هاتووە، “لە 24 كاتژمێری داهاتوودا هەر سێ وێستگەی هەولێر و سلێمانی و بازیان دەكەونە كار”.
