بەدەل بەرواری دەڵێت، ئاسایشی پارتی رێگەی پێنەداوە لە دهۆك كاربكات، بۆیە لە رێكخراوێك دەستی لەكاركێشاوەتەوە.
لە وەڵامی دیندار زێباری رێکخەری راسپاردە نێودەوڵەتییەکان كە رایگەیاند، “لە پاراستنی مافی مرۆڤ و پێشخستنیدا، هەرێمێكی سەركەوتووین”، بەدەل بەرواری یەكێك لە چالاكوانانی بادینان دەڵێت، “ئاسایشی پارتی نەیدەهێڵا لە دهۆك كاربكەم بۆیە لە رێكخراوی PAO دەستم لەكاركێشایەوە”.
بەرواری ئاماژە بۆ ئەوەش دەكات كە ئاسایش رێگەی پێنەداوە هیچ پڕوژەیەك لە دهۆك جێبەجێبكات، بە تایبەتی دوای كەیسی زیندانییانی بادینان.
