بڕیارە سبەی وەفدێكی كونسوڵخانەی ئەمریكا بگاتە سلێمانی و سیمینارێك لەبارەی چۆنیەتیی وەرگرتنی پاڵپشتیی وڵاتەكەی بۆ رێكخراوەكان ئەنجامبدات.
گۆشەی ئەمریكی لە سلێمانی رایگەیاند، كاتژمێر 12:30 خولەكی سبەی سێشەممە 30ی نیسان تیمێكی کونسوڵخانەی گشتیی ویلایەتە یەکگرتووەکانی ئەمریکا لە هەولێر، لە ئۆفیسی ئەوان دەبن و، چۆنیەتیی وەرگرتنی پاڵپشتی (فەند)ی حکومەتی ئەمریکا روون دەکەنەوە.
پاڵپشتییەكە رێكخراوە ناحكومییەكان دەگرێتەوە و، گۆشەی ئەمریكی داوایان لێدەكات گەر دەیانەوێت لەو پاڵپشتییە سوودمەندبن و زانیارییان دەستبكەوت، بەشداری لەو سیمینارە تایبەتەدا بكەن كە لەلایەن بەڕێوەبەری بەشی گرانت لە کونسوڵخانەی ئەمریکاوە پێشكەش دەكرێت.
گۆشەی ئەمریكی روونیشیدەكاتەوە، بەم نزیکانە پێشکەشکردن بۆ (PD Grant) دەکرێتەوە.
بۆ بەشداریکردن لە سیمینارەكەدا دەتوانن لەم بەستەرەدا خۆتان ناونووس بکەن:
https://forms.gle/KWMiZB4FP9C59xiE6
