لەماوەکانی رابردوودا نزیکەی 20 کەس لەو کەسانەی کە لە گۆڕی توت ئانخ ئاموون یەکێک لە فیرعەونەکانی میسر نزیکبوونەوە، گیانیان لەدەستداوە و ئەمەش ناونرابوو نەفرەتی فیرعەونەکان، دواجاریش زانایەکی بەریتانی هۆکارەکەی ئاشکراکرد.
رۆژنامەی دەیلی مەیلی بەریتانی لە زاری زانایانی بەریتانییەوە بڵاویکردووەتەوە، لە ساڵی 1922 ەوە تا ئێستا زیاتر لە 20 کەس لەو کەسانەی گۆڕی توت ئانخ ئاموونیان کردووەتەوە گیانیان لەدەستداوە، هۆکاری ئەمەش بوونی ژەهرێکی تیشکدەرە کە یۆرانیۆم و پاشماوەی مەترسیداری تێدایە کە بە مەبەست لە بەشی ژێرەوەی گۆڕەکە دانراوە.
ئەم ژەهرە هۆکارە بۆ تووشبوون بە شێرپەنجە، هوارد کارتەر کە یەکەم کەس بوو کە چووە بەشی ناوەوەی گۆڕەکە بەڵام دواتر بەهۆی تووشبوونی بە شێرپەنجە گیانی لەدەستدا.
توێژەران دەڵێن، راستە گۆڕەکە نەفرەتێکی تێدایە، بەڵام نەفرەتێکی سروشتی نییە و دروستکراوە.
