وەزارەتی کارەبا و سامانە سروشتییەکان بڵاویانکردەوە، بەهۆی هێرشەکەی سەر کێڵگەی غازی کۆرمۆر بەرهەمهێنانی کارەبا کەمیکرد.
وەزارەتی کارەبا و سامانە سروشتییەکان لە راگەیەندراوێکدا بڵاویانکردەوە، ئاگاداری هاوبەشانی كارەبا دەکەینەوە بەهۆی هێرشێکی درۆنی بۆ سەر کێڵگەی کۆرمۆر، ناردنی گاز بۆ وێستگەكانی بەرهەمهێنانی کارەبا راوەستاوە و بەهۆیەوە نزیکەی 2500 مێگاوات کارەبا کەم بووەتەوە.
ئاشکراشیانکرد، ستافی هەردوو وەزارەتی کارەبا و سامانە سروشتییەکان لەگەڵ لایەنە هاوبەشەکانیان لە هەوڵدان بۆ ئاساییکردنەوەی دۆخەکە و دووبارە دەستپێکردنەوەی گاز بۆ وێستگەکانی کارەبا.
